ሃሪ ፖተር

ሃሪ ፖተር፡ እታ እምነ-ተኣምራት #ሃሪፖተርብትግርኛ ቀዳመይቲ ካብ ተኸታተልቲ መጻሕፍቲ ሃሪ ፖተር፡ ብ Harry Potter and the Philosopher’s Stone ዝብል ኣርእስቲ፡ ኣብ ብሪጣንያ ብትካል ብሉምስበሪ ኣብ 1997፡ ኣብ ኣመሪካ ድማ ብኮርፖረሽን ስኮላስቲክ ኣብ 1998 ተሓቲማ። እዛ መጽሓፍ ንዝበዝሐ ናይ ብሪጣንያን ኣመሪካን ስልማታት ተዓዊታ እያ። ናብ ልዕሊ 70 ቋንቋታት (እንተላይ ጥንታዊ ግሪኽን ላቲንን) ተተርጒማ፣ ኣብ ኣህጒር ኣፍሪቃ ድማ ናብ ቋንቋ ኣፍሪካኣንኛ (Afrikaans) ናይ ደቡብ ኣፍሪቃ ጥራይ እያ ተተርጒማ። ኣብ 2001 ዓ.ም ብፊልም ተዘርጊሓ። ኣብ 2011 ዝተገብረ መጽናዕቲ፡ ዓለምለኻዊ ሽያጥ መጻሕፍቲ ሃሪ ፖተር ኣስታት 450 ሚልየን ከም ዝበጽሐ የረድእ። መጻሕፍቲ ሃሪ ፖተር፡ ነቲ ተዳኺሙ ዝነበረ ልምዲ ንባብ መንእሰያት ኣብ ምምዕባል ዓቢ ተራ ተጻዊተን እየን።